İspaniya millisinin və “Barselona”nın sabiq yarımmüdafiəçisi Andres İnyesta yeni iş yerini açıqlayıb.

Prosport.Az xəbər verir ki, 42 yaşlı keçmiş futbolçu Birləşmiş Ərəb Əmirliklərinin 1-ci divizionunda çıxış edən “Qalf Yunayted” klubunun baş məşqçisi təyin olunub.

İnyesta sosial şəbəkə hesabında yeni vəzifəsi ilə bağlı paylaşım edib. O, “Qalf Yunayted”in baş məşqçisi kimi debüt edəcəyini və bu mərhələdə gənc, iddialı və motivasiyalı komanda ilə çalışmağın onun üçün xüsusi əhəmiyyət daşıdığını bildirib.

Qeyd edək ki, bu, Andres İnyestanın baş məşqçi kimi ilk təyinatıdır.