UEFA Avropa və Konfrans Liqasında pley-off mərhələsinin cavab qarşılaşmaları baş tutub.

Prosport.Az xəbər verir ki, Azərbaycan milli komandasının üzvlərinin çıxış etdiyi komandalar da növbəti oyunlarını keçiriblər.

Zamiq Əliyevin formasını geyindiyi “Eqnatiya” öz meydanında “Lillstrom”la qarşılaşıb. Görüş rəqibin 2:1 hesablı üstünlüyü ilə yekunlaşıb və bu nəticə ilə Albaniya təmsilçisi turnirlə vidalaşıb. Komanda yoluna Konfrans Liqasının əsas mərhələsində davam edəcək. Əliyev qarşılaşmanın 99-cu dəqiqəsində oyuna daxil olub.

Digər təmsilçimiz Murad Məmmədovun çıxış etdiyi “Pafos” da Konfrans Liqasının liqa mərhələsinə adlayıb. Kipr klubu Məmmədovun oynamadığı görüşdə “Dinamo Siti” üzərində 4:2 hesablı inamlı qələbə qazanıb.

Qeyd edək ki, Mahir Emrelinin formasını geyindiyi "Rakuv" (Polşa) isə Konfrans Liqasında Xorvatiyanın "Hayduk" (Split) klubuna uduzaraq, avrokuboklarda mübarizəni dayandırıb.