Azərbaycan millisinin futbolçusu Mahir Emreli Polşanın "Rakuv" klubunda növbəti qolunu vurub.

Prosport.Az xəbər verir ki, 29 yaşlı hücumçu Xorvatiyanın "Hayduk" komandasına qarşı keçirdikləri UEFA Konfrans Liqasının pley-off mərhələsinin cavab oyununda da fərqlənməyi bacarıb.

Emreli 88-ci dəqiqədə adını tabloya yazdırıb. O, komandasının bərabərlik qoluna imza atıb - 2:2.

Tərəflər arasında ilk qarşılaşma da 2:2 hesabı ilə bitdiyindən, əlavə vaxta ehtiyac duyulub. 94-cü dəqiqədə daha bir qol vuran Split təmsilçisi liqa mərhələsinə vəsiqə qazanıb.

"Rakuv" isə avrokuboklarla vidalaşıb.