“Neftçi” klubunun Media departamenti mərhum Sergey Kramarenko haqda sənədli film hazırlayıb.

Prosport.Az xəbər verir ki, filmdə unudulmaz “1 nömrə”nin oğlu Dmitri Kramarenko, veteran futbolçular – Kazbek Tuayev, Asif Əliyev, Rüstəm Rəhimov, “Neftçi” azarkeşi Akif Əliyev və tanınmış jurnalist Vasif Ağamirov onunla bağlı xatirələrini bölüşüblər.

Film Sergey Kramarenkonun uşaqlıq illərindən vəfatına qədər demək olar ki, bütün ömrünü və karyerasını əhatə edir.

Qeyd edək ki, bu il mayın 27-də 80 illik yubileyi olan Sergey Kramarenko 1946-cı ildə anadan olub.

1964-cü ildə – 18 yaşında “Neftçi”də debüt edən qapıçı elə həmin il Anatoli Banişevski ilə birlikdə SSRİ çempionatının ən yaxşı debütantı seçilib. Bundan 2 il sonra – 1966-cı ildə SSRİ çempionatının bürünc medalını qazanıb. Azərbaycan futbolunun parlaq üzvlərindən olan Kramarenko “Neftçi”də keçirdiyi 20 ilə yaxın müddət ərzində 412 rəsmi oyuna çıxıb ki, bu göstərici ilə klubun rekordçusudur.

1992-1993-cü illərdə “Neftçi”nin məşqçisi, sonra isə baş məşqçisi olan Kramarenko ilk çempionluğun və ilk Azərbaycan Superkubokunun memarlarından biridir. Əfsanəvi qolkiper 2008-ci il martın 25-də vəfat edib.