“Qarabağ” Polşanın “Qurnik" klubunda çıxış edən futbolçu Taofik İsmaili heyətinə qatmaqda maraqlıdır.

Prosport.Az Polşa mətbuatına istinadən xəbər verir ki, Azərbaycan çempionunun 26 yaşlı nigeriyalı vinger üçün 700 min avro ödəməyə hazır olduğu bildirilir.

Taofik İsmail 2026/2027 mövsümündə “Qurnik"in heyətində 6 oyunda meydana çıxıb. Nigeriyalı sol cinah oyunçusu bu qarşılaşmalarda ümumilikdə 293 dəqiqə meydanda olub, qol və məhsuldar ötürmə ilə yadda qalmayıb.

Onun “Qarabağ”ı tərk edən Abdullah Zubiri əvəzləyəcəyi gözlənilir.

Qeyd edək ki, Taofik İsmail karyerası ərzində Norveç və Polşada müxtəlif klubların formasını geyinib.