“Sabah” daha bir futbolçusu ilə vidalaşa bilər.

Prosport.Az Özbəkistan mətbuatına istinadən xəbər verir ki, Fransa klubu “Lans” Umarali Rahmonaliyevin transferində israrını davam etdirir.

Liqa 1 komandasının 22 yaşlı yarımmüdafiəçi üçün “Sabah”la ilkin təmasa keçdiyi də bildirilir. Fransızlar yaxın günlərdə rəsmi təklif göndərməyi və tezliklə transferi reallaşdırmağı hədəfləyir.

Lakin “Sabah” rəhbərliyi mövsümün başladığını və Rahmonaliyevin boşluğunu doldurmağın çətin olacağını nəzərə alaraq, oyunçusunu satmağı düşünmür. Buna baxmayaraq, sərfəli təklif olarsa, bakılılar “yox” cavabını verməz.