Bu gün Azərbaycan Premyer Liqasının 2026/27 mövsümündə II tura start veriləcək.

ProSport.Az xəbər verir ki, turun ilk oyun günündə 2 qarşılaşma keçiriləcək.

Günün ilk matçında “Qəbələ” doğma meydanda özü kimi xalsız autsayder “Şəfa”nı qəbul edəcək. Qəbələ şəhər stadionunda keçiriləcək görüş saat 18:30-da başlayacaq. Qarşılaşmanı İnqilab Məmmədov idarə edəcək.

Günün son oyununda isə “Zirə” – “İmişli” görüşü keçiriləcək. Zirə İdman Kompleksinin stadionunda baş tutacaq matçın start fiti saat 20:45-də səslənəcək. Oyunun baş hakimi Əli Əliyev olacaq.

Azərbaycan Premyer Liqası
I dövrə, II tur

22 avqust

18:30 “Qəbələ” – “Şəfa”

Hakimlər: İnqilab Məmmədov, Rahil Ramazanov, Gülnurə Əkbərzadə, Rəvan Həmzəzadə

VAR: Cavid Cəlilov

AVAR: Kamran Bayramov

Hakim-inspektor: Əmrah İbrahimov

AFFA nümayəndəsi: Elçin Məmmədov

(Qəbələ şəhər stadionu)

20:45 “Zirə” – “İmişli”

Hakimlər: Əli Əliyev, Pərvin Talıbov, Kərim Zeynalov, İslam Məmmədov

VAR: Kamranbəy Rəhimov

AVAR: Akif Əmirəli

Hakim-inspektor: Zöhrab Qədiyev

AFFA nümayəndəsi: Kifayət Mustafayeva

(Zirə İdman Kompleksinin stadionu)

Qeyd edək ki, II tura avqustun 23-də yekun vurulacaq. Avrokuboklardakı çıxışlarla əlaqədar “Sabah” – “Sumqayıt” və “Qarabağ” – “Kəpəz” oyunları təxirə salınıb.