Parataekvondoçumuz Əbülfəz Abuzərli Cənubi Koreyanın Çunçan şəhərində keçirilən Ümumdünya Taekvondo Mədəni Festivalında bürünc medal qazanıb.

Prosport.Az-ın xəbərinə görə, 80 kq-da çıxış edən idmançımız taekvondonun vətənində bürünc medal qazanıb.

O, 6 gün əvvəl Niderlandın Rotterdam şəhərində keçirilmiş Avropa para çempionatında əzmkar qələbə ilə qızıl medal qazanmağı bacarmışdı.

Qeyd edək ki, daha əvvəl bu yarışda İmaməddin Xəlilov (70 kq) qızıl medala yiyələnmişdi.