Minifutbol üzrə Azərbaycan millisi Slovakiyada keçirilən Avropa çempionatında qrupu lider başa vurub.

Prosport.Az xəbər verir ki, Elşad Quliyevin baş məşqçisi olduğu kollektiv F qrupundakı 3-cü matçında Fransa ilə üz-üzə gəlib.

"Tipos Arena"da keçirilən qarşılaşma komandamızın qələbəsi ilə bitib – 3:2.

İlk hissədə rəqib oyunçu avtoqol müəllifi olub. 2-ci hissədə Elvin Əlizadə və Ramiz Çovdarov fərqlənib. Qrupun digər oyununda Avstriya İtaliyanı 5 cavabsız qolla üstələyib.

Daha əvvəl Avstriya (1:0) və İtaliyanı (3:0) məğlub edən Azərbaycan millisi xallarının sayını 9-a çatdırıb və qrup lideri olub. Komanda növbəti mərhələyə vəsiqəni ötən tur rəsmiləşdirib. Fransa 4 xalla 2-ci, Avstriya 3 xalla 3-cü, İtaliya 1 xalla sonuncu yeri tutub.

Yığmamız növbəti mərhələdə Qazaxıstanla qarşılaşacaq. Oyun iyunun 1-də keçiriləcək.