Qazaxıstanın qadın həndbolçulardan ibarət milli komandası Bakıya səfər etməyə hazırlaşır.

Prosport.Az-ın əldə etdiyi məlumata görə, komandanın paytaxta gəlişi təlim-məşq toplanışı məqsədi daşıyır. Səfərin mart ayının sonu və ya aprelin əvvəllərində baş tutacağı planlaşdırılır.

Toplanış çərçivəsində yerli klublarla yoxlama oyunlarının keçirilməsi də nəzərdə tutulub.

Qeyd edək ki, Qazaxıstan millisi hələlik Bakıya səfər üçün aviabiletləri almayıb. Səfərlə bağlı digər təşkilati məsələlərin yaxın günlərdə dəqiqləşdirilməsi gözlənilir.