“Qarabağ”ın 2-ci qoluna əsəbləşdim. Çünki 2:0-dan sonra 2 qol buraxmaq bir az axmaqlıqdır.  Biz özümüzü daha yaxşı aparmalıyıq. Belə situasiyalarda daha diqqətli olmalıyıq. Baş verənləri təhlil etməli və belə səhvləri təkrarlamamalıyıq".

Prosport.Az sportowefakty.wp.pl saytına istinadən xəbər verir ki,  bu sözləri Polşa “Rakuf”unun kapitanı Zoran Arseniç UEFA Çempionlar Liqasının II təsnifat mərhələsində evdə “Qarabağ”a 3:2 hesabı qalib gəldikləri ilk oyunundan sonra deyib.

O hər qələbənin  qiymətli olduğunu bildirib: "1 top üstünlüyü ilə Azərbaycana gedəcəyik. Yaxşı hazırlaşmalıyıq. Çətin olacaq, amma mən özümüzə inanıram. Orada da qalib gəlmək üçün əlimizdən gələni edəcəyik".

Müdafiəçi “Qarabağ”ın oyunun onlar üçün sürpriz olmadığını söyləyib: "Söhbət son 9 ildə hər il avrokuboklarda çıxış edən komandadan gedir. Məni heç nə təəccübləndirmədi. Yüksək intensivlik, aqressivlik, hər şeyə hazırlaşdıq”.

Qeyd edək ki, "Qarabağ"ın "Rakuf"la Bakıdakı cavab oyunu avqustun 2-i keçiriləcək.