"Qarabağ" UEFA Çempionlar Liqasında II təsnifat mərhələsinin ilk oyununa çıxıb.
Prosport.Az xəbər verir ki, Azərbaycan çempionu Polşada "Rakuf"un qonağı olub. Çenstoxovadakı "Rakuf" stadionunda keçirilən görüşdə meydan sahibləri qələbə qazanıb – 3:2.
Matçda hesab 55-ci dəqiqədə açılıb. Ağdam klubundan Elvin Cəfərquliyev avtoqol müəllifi olub. 71-ci dəqiqədə "Rakuf" 2-ci topu "köhlən atlar"ın qapısından keçirib. Bu dəfə Fabian Pyasetski fərqlənib. Məğlubiyyətlə barışmaq istəməyən "Qarabağ" Redon Cicanın 73 və 75-ci dəqiqələrdə vurduğu qollarla hesabı bərabərləşdirib. Bununla belə, Polşa çempionu 90+1-ci dəqiqədə "Hamburq"dan aldığı yeni transferi, almaniyalı Zoni Kitellə qələbə topunu vura bilib.
Komandalar arasında cavab oyunu avqustun 2-də Bakı Olimpiya Stadionunda baş tutacaq. Bu cütün qalibi III təsnifat mərhələsində "Aris" (Kipr) – BATE (Belarus) matçının güclüsü ilə qarşılaşacaq. Kiprdəki qarşılaşmada meydan sahibləri 6:2 qələbə qazanıb.
21:16
Polşada UEFA Çempionlar Liqasının II təsnifat mərhələsinin ilk oyununda üz-üzə gələcək "Rakuf" və "Qarabağ"ın start heyəti açıqlanıb.
Prosport.Az xəbər verir ki, komandalar meydana aşağıdakı "11-lik"lərlə çıxacaq:
"Rakuf": 1 Vladan Kovaçeviç, 4. Stratos Svarnas, 24. Zoran Arseniç, 25. Boqdan Rakovitsan, 7. Fran Tüdor, 8. Ben Lederman, 20. Cin Karlos, 66. Yannis Papanikolau, 30. Vladislav Koçergin, 77. Martsin Tsebulya, 9. Lukaş Zvolinski
Ehtiyat oyunçular: 89. Kasper Beşad, 5. Qustav Berqqren, 6. Şimon Çij, 11. Con Yeboa, 17. Mateuş Vdovyak, 22. Deyan Soresku, 27. Bartoş Novak, 93. Soni Kitel, 99. Fabian Pyasetski
Baş məşqçi: David Şvarqa
"Qarabağ": 1. Şahruddin Məhəmmədəliyev, 13. Bəhlul Mustafazadə, 81. Kevin Medina, 44. Elvin Cəfərquliyev, 27. Toral Bayramov, 6. Juliu Romau, 8. Marko Yankoviç, 7. Yassin Benzia, 15. Leandru Andradi, 10. Abdulla Zübeyr, 19. Redon Cica
Ehtiyat oyunçular: 23. Luka Quqeşaşvili, 89. Amin Ramazanov, 4. Rahil Məmmədov, 5. Maksim Medvedev, 11. Adama Diakabi, 17. Hamidu Keyta, 20. Riçard Almeyda, 55. Bədavi Hüseynov, 66. Patrik Andrade, 83. Nihad Quliyev, 90. Nəriman Axundzadə
Baş məşqçi: Qurban Qurbanov
09:30
Bu gün UEFA Çempionlar Liqasında II təsnifat mərhələsinin digər görüşləri keçiriləcək.
Prosport.Az xəbər verir ki, ölkəmizi bu turnirdə təmsil edən “Qarabağ” da ilk oyununa çıxacaq.
Polşaya səfər edən Azərbaycan çempionu “Rakuf”un qonağı olacaq. Çenstoxova şəhərində baş tutacaq qarşılaşmanı isveçrəli baş hakim Lukas Fandrix idarə edəcək.
Komandalar arasında cavab oyunu avqustun 2-də Bakı Olimpiya Stadionunda keçiriləcək.
UEFA Çempionlar Liqası
II təsnifat mərhələsi, ilk oyun
26 iyul
22:15 “Rakuf” (Polşa) – “Qarabağ” (Azərbaycan)
Çenstoxova, “Rakuf” stadionu. Baş hakim: Lukas Fandrix (İsveçrə)