"Sabah" UEFA Konfrans Liqasının II təsnifat mərhələsində ilk oyununu keçirib.
Prosport.Az xəbər verir ki, Murad Musayevin baş məşqçi olduğu komanda Latviyada RFS-in qonağı olub.
Yurmala şəhərindəki "Sloka" stadionundakı qarşılaşma Azərbaycan təmsilçisinin 2:0 hesablı qələbəsi ilə yekunlaşıb. Komandanın qollarını 22-ci dəqiqədə bosniyalı müdafiəçi Boyan Letiç, 55-ci dəqiqədə isə gürcü hücumçu Davit Volkovi vurub.
Beləliklə, Azərbaycan klubu avrokuboklardakı debüt matçından qalibiyyətlə ayrılıb. Tərəflər arasındakı cavab görüşü bir həftə sonra Bakıda olacaq. Cütün qalibi III təsnifat mərhələsində Serbiya "Partizan"ı ilə üz-üzə gələcək.
21:13
Latviyada UEFA Konfrans Liqasının II təsnifat mərhələsinin ilk oyununda üz-üzə gələcək RFŞ və "Sabah" klublarının start heyətləri açıqlanıb.
Prosport.Az xəbər verir ki, komandalar meydana aşağıdakı "11-lik"lərlə çıxacaqlar:
RFS: 1. Pavel Şteynbor, 7. İsmael Diomande, 10. Emerson, 11. Robert Savalnyek, 17. Sedrik Kuadio, 19. Andrey İliç, 23. Herdi Prenqa, 25. Pyotr Mareş, 26. Stefan Panits, 27. Adam Marxiyev, 43. Jiqa Lipuşçek
Ehtiyat oyunçular: 13 Yevgeni Neruqal, 16. Sergey Vilkov, 2. Vladislav Sorokin, 3. Artur Zyuzin, 8. Daniel Ontuyan, 9. Yanus İkauniyek, 18. Dmitri Zelenkov, 22 Darko Lemayiç, 52. Martsis Oş, 70. Draqolyub Saviç, 92. Vitali Yaqodinski, 99. Qleb Zaleyko
Baş məşqçi: Viktor Moroz
"Sabah": 1. Yusif İmanov, 2. Amin Seydiyev, 3. Con İrasabal, 44. Süfyan Şakla, 7. Boyan Letiç, 4. Elvin Camalov, 10. Aleksey İsayev, 15. Kristian da Silva, 18. Davit Volkovi, 9. Anatoli Nuriyev, 77. Namiq Ələsgərov
Ehtiyat oyunçular: 16. Rüstəm Samiqullin, 55. Nicat Mehbalıyev, 5. Rəhman Daşdəmirov, 6. Şakir Seyidov, 12. Vinsent Till, 17. Tellur Mütəllimov, 19. Emanuel Ape, 20. Coy Lens Mikels, 21. Eldar Ələkbərov, 22. Seymur Məmmədov, 27. Jarl Marqarita, 29. Ceyhun Nuriyev
Baş məşqçi: Murad Musayev
Qeyd edək ki, bu gün Yurmaladakı "Sloka" stadionunda keçiriləcək görüş Bakı vaxtı ilə saat 20:00-da başlayacaq.
10:11
Bu gün Azərbaycan təmsilçiləri UEFA Avropa Konfrans Liqasında mübarizəyə başlayacaq.
Prosport.Az xəbər verir ki, ilk olaraq meydana "Sabah" komandası çıxacaq.
Murad Musayevin baş məşqçi olduğu kollektiv Latviyada RFS-in qonağı olacaq və paytaxt təmsilçisi avrokuboklarda debüt edəcək.
Bakı vaxtı ilə saat 20:00-da başlayacaq görüşü çexiyalı FIFA referisi Yan Maxalek idarə edəcək. Tərəflər arasındakı cavab görüşü bir həftə sonra "Bank Respublika Arena"da təşkil olunacaq
26 iyul
UEFA Avropa Konfrans Liqası
II təsnifat mərhələsi
RFS (Latviya) – "Sabah" (Azərbaycan)
Baş hakim: Yan Maxalek (Çexiya)
Yurmala. "Sloka" stadionu
Qeyd edək ki, Azərbaycanın digər təmsilçilərindən "Qəbələ" və "Neftçi" ilk matçlarını sabah keçirəcək.