Kiprin “Omoniya” klubunun 3 futbolçusu UEFA Avropa Konfrans Liqasının II təsnifat mərhələsində “Qəbələ” ilə ilk oyunu buraxacaq.

Prosport.Az xəbər verir ki, müdafiəçilər Nikolas Panayotu, Paris Psaltis və monteneqrolu yarımmüdafiəçi Novitsa Erakoviç Qəbələdəki görüşdə iştirak etməyəcək.

Adıçəkilən oyunçular zədədən əziyyət çəkdikləri üçün bu gün Azərbaycana yollanacaq heyətdə yer almayacaq.

Qeyd edək ki, sabah Qəbələ şəhər stadionunda keçiriləcək “Qəbələ” – “Omoniya” oyunu saat 20:00-da başlayacaq.