Meksikalı hücumçu Raul Ximenes “Vulverhempton”dan “Fulhem”ə keçib.

Prosport.Az xəbər verir ki, hücumçu daha 1 il uzadılması şərti ilə 2025-ci ilin yayına qədər müqavilə imzalayıb.

Ximenes keçidi ilə bağlı fikirlərini bölüşüb: “Bura gəlmək mənim üçün çox vacibdir. Premyer Liqanın ən simvolik komandalarından biri üçün əlimdən gələni etməyə çalışacağam. Premyer Liqada qollara davam etmək üçün əlimdən gələni edəcəyəm”.

Qeyd edək ki, Raul Ximenes ötən mövsüm “Vulverhempton”un heyətində 15 oyunda iştirak edib və qol vura bilməyib.