"Neftçi" Bosniya və Herseqovinanın "Jelezniçar" komandası ilə UEFA Avropa Konfrans Liqasının II təsnifat mərhələsi üçün yeni transfer Ervin Kofini sifariş edəcək.

Prosport.Az-ın xəbərinə görə, "Neftçi"nin fransalı sağ cinah müdafiəçisini məhz bu gün gecə saat 2-də təqdim etməsinin səbəbi də budur.

Yeni transferlərdən macarıstanlı mərkəz müdafiəçisi Mark Tamaş və dayaq yarımmüdafiəçisi Qara Qarayev iştirak ərizəsindən kənarda qalacaq. Qarayevin olmamasının səbəbi artıq cari avrokubok mövsümündə "Qarabağ"la Cəbəllüttariqin "Linkoln Red İmps" komandasına qarşı meydanda olmasıdır. Qaydalar isə ona bir avrokubok mövsümündə 2 klubda oynamağa imkan vermir. "Neftçi" III təsnifat mərhələsinə yüksələcəyi halda, Tamaş iştirak ərizəsi üçün sifariş olunacaq.

Qeyd edək ki, "Neftçi"nin avrokubok üçün təqdim etdiyi iştirak ərizəsindən qapıçı Emil Balayev zədəli olduğu üçün oynaya bilməyəcək. Həmçinin, komandanın braziliyalı hücumçusu Mateus Saldanya klubun düşərgəsini tərk etdiyi üçün meydanda olmayacaq. Saldanyanın "Sabah"ın III təsnifat mərhələsində potensial rəqibi olan Serbiyanın "Partizan" klubunda icarə əsasında oynayacağı gözlənilir.

Səbuhi Musa