İyulun 27-də keçiriləcək UEFA Avropa Konfrans Liqasının II təsnifat mərhələsinin "Jelezniçar" – "Neftçi" matçına bilet satışı bu gün də davam edib.

Prosport.Az-ın əldə etdiyi məlumata görə, Bosniya və Herseqovinanın paytaxtı Sarayevonun 13 minlik "Qrbavitsa" stadionun cənub tribunasına artıq bütün biletlər satılıb.

Bu gün isə şimal tribunasına qalmış 700 bilet satışda olub. Yerli vaxtla saat 09:30-dan etibarən həmin 700 biletin satışına başlanılıb. Artıq həmin biletlərin hamısı alınıb.

Əldə etdiyimiz videogörüntülərdə bu matça baxmaq üçün böyük maraq olduğunu, bosniyalı azarkeşlərin bilet kassası önündə növbəyə dayandığını görmək mümkündür.

Qeyd edək ki, bu matç Bakı vaxtı ilə saat 23:00-da başlayacaq.