"Sabah"dan ayrılan futbolçu Abdulaye Banın yeni klubu müəyyənləşib.

Prosport.Az xəbər verir ki, 32 yaşlı mərkəz müdafiəçisi karyerasını Portuqaliyada davam etdirəcək.

Seneqallı oyunçu "Tondela" ilə anlaşıb. Onun müqaviləsinin müddəti 2024-cü ilin yayınadək nəzərdə tutulub.

Qeyd edək ki, "Portu"nun yetirməsi olmuş Abdulaye Ba ötən mövsüm "Sabah"ın formasını geyinib. Onun müqaviləsinin müddəti bitmişdi.