Millimizin futbolçusu Musa Qurbanlı İsveçin "Yurqorden" komandasında ilk oyununa çıxıb.

Prosport.Az xəbər verir ki, gənc forvard İsveç çempionat;ının XVI turunda “Elfsborq”a qarşı oyunda debüt edib.

O, 57-ci dəqiqədə Nigeriya əsilli mərkəz hücumçusu Coel Asoronu əvəzləyib. Musa meydana çıxanda hesab 0:3 olub. Bununla belə, onun komandası 66-cı dəqiqədə daha bir qol buraxaraq, öz meydanında liderə 0:4 hesabı ilə darmadağın olub.

"Yurqorden" 30 xalla 4-cü sırada qərarlaşıb.

Qeyd edək ki, Musa Qurbanlı "Yurqorden"lə 3 illik müqavilə imzalayıb.

10:09

Azərbaycan millisinin üzvü Musa Qurbanlının yeni klubu "Yurqorden" bu gün İsveç çempionatında növbəti oyununu keçirəcək.

Prosport.Az xəbər verir ki, komanda XVI turda "Elfsborq"la üz-üzə gələcək. Görüş Bakı vaxtı ilə saat 17:00-da başlayacaq.

Musa Qurbanlı bu oyunda meydana çıxarsa, İsveç çempionatında və "Yurqorden"də debüt etmiş olacaq.

Qeyd edək ki, "Elfsborq" çempionatın turnir cədvəlində 36 xalla 1-ci (15 oyun), "Yurqorden" isə 30 xalla 4-cüdür (16 oyun).