Türkiyə Super Liqasında transfer dövrünün ən aktiv komandalarından olan "Fənərbağça" Vilfrid Zahanın transferində son nöqtə qoymaq istəyir.

Prosport.Az xəbər verir ki, Rodriqu Bekau və Bartuğ Yılmazı heyətinə qatan "sarı-göylər"də bütün gözlər Zahaya çevrilib.

Ali Koç və klub rəhbərliyi ulduz futbolçunun transferi üçün bütün mümkün vasitələrdən istifadə etmək qərarına gəlib.

Qeyd edək ki, “Fənərbağça”nın Zahaya təklif etdiyi imza bonusu və məvacibin çox böyük rəqəmlər olduğu bildirilir. Fil Dişi Sahilindən olan futbolçunun bu təklifi qəbul edəcəyi təqdirdə İstanbul klubunun tarixinə düşəcəyi məlum olub.