Dünən “Azersun Arena”da keçirilən Konfrans Liqasının I təsnifat mərhələsinin “Dinamo” (Minsk, Belarus) - “Jelezniçar” (Bosniya və Herseqovina) oyununu izləyənlər arasında Belarus Futbol Federasiyasının (BBF) prezidenti Nikolay Şerstnyov da olub.

Prosport.Az xəbər verir ki, futbol funksioneri səfər zamanı işgüzar görüş keçirib.

O, AFFA-nın baş katibi Sərxan Hacıyevlə bir araya gəlib. Görüşdə hər iki qurum arasında əməkdaşlıq barədə fikir mübadiləsi aparılıb. BBF rəhbəri qonaqpərvərliyə və qarşılaşmanın yüksək səviyyədə təşkilinə görə təşəkkür edib.

Görüşdə BFF-nin vitse-prezidenti Andrey Vasileviç və baş katibi Sergey Jardeçki də olub.