Mayami "İnter"inin yeni transferi Lionel Messi komandanın kapitanı olacaq.

Prosport.Az xəbər verir ki, bu haqda "TyC Sports" məlumat yayıb.

Dünənki ilk məşqdən sonra Messi və Serxyo Buskets klubun gənc futbolçuları ilə işləmək və onlara məsləhətlər vermək üçün meydanda qalıblar. Lionelin ABŞ təmsilçisinin əsas kapitanı olacağı qeyd edilib.

Qeyd edək ki, 36 yaşlı hücumçunun MLS klubu ilə müqaviləsi 2025-ci ilə qədərdir. Lionel Messi "İnter"də 10 nömrə altında oynayacaq. Hücumçunun komandada iyulun 21-də Meksikanın "Krus Asul" komandasına qarşı görüşdə debüt edəcəyi gözlənilir. Həmçinin Buskets də bu "İnter"ə keçib.