"Neftçi"də dəyişikliklər davam edir.

Prosport.Az-ın xəbərinə görə, "Neftçi" bundan sonra məşqlərini Bakı Olimpiya Stadionunda (BOS) edəcək.

Bu, SOCAR-ın istəyidir. "Neftçi"nin Müşahidə Şurasının sədri Rövşən Nəcəf SOCAR-ın balansında olan BOS-dan maksimum yararlanmaq barədə qərar verib.

Klubun Bakıxanov qəsəbəsində yerləşən təlim-məşq bazasından isə əvəzedici və aşağı yaş qrupları üzrə komandalar yararlanacaq.

Belə olan halda, bəzən Bakıda məşqlərini burada keçirən bölgə klubları, eləcə də "Səbail" və "Zirə" kimi klublar hazırlıq üçün stadion tapmaqda problemlə üzləşə biləcək. Artıq onlar "Neftçi" ilə məşqlərinin vaxtını dəqiqləşdirməli olacaqlar.  

Qeyd edək ki, "Neftçi" ev oyunlarını AFFA-dan icarəyə götürdüyü 8-ci km qəsəbə stadionunda (keçmiş "Bakcell Arena") keçirir.

VÜSAL