“Qarabağ”ın UEFA Çempionlar Liqasının II təsnifat mərhələsindəki mümkün oyunun vaxtı müəyyənləşib.

Prosport.Az UEFA-nın rəsmi saytına istinadən xəbər verir ki, Azərbaycan çempionu Cəbəllüttariq təmsilçisi “Linkoln Red İmps”i keçəcəyi təqdirdə, Polşa klubu “Rakuf”la iyulun 26-da qarşılaşacaq.

“Qarabağ” – “Linkoln Red İmps” cütünün qalibi həmin gün II mərhələnin ilk görüşündə Polşa klubunun qonağı olacaq. Qarşılaşma Bakı vaxtı ilə saat 22:15-ə planlaşdırılıb.

Qeyd edək ki, “Qarabağ”la “Linkoln Red İmps” bu gün Bakı Olimpiya Stadionunda I təsnifat mərhələsinin cavab oyununa çıxacaq. Bu komandalar arasındakı ilk matçda Azərbaycan çempionu 2:1 hesablı qələbə qazanıb.