"Qarabağ" UEFA Çempionlar Liqasının II təsnifat mərhələsinə adlayıb.
Prosport.Az-ın xəbərinə görə, Ağdam təmsilçisi Cəbəllüttariqin "Linkoln Red İmps" komandasını 4:0 hesabı ilə darmadağın edib.
Qurban Qurbanovun kollektivinin növbəti rəqibi Polşa çempionu "Rakuf" olacaq.
21:25
"Qarabağ" artıq rəqibini 4:0 hesabı ilə darmadağın edir.
45+1-ci dəqiqədə Bəhlul Mustafazadə (assist: Marko Veşoviç), 49-cu dəqiqədə Redon Cica (Leandru Andradi) və 62-ci dəqiqədə Marko Yankoviç (Abdulla Zübeyr) fərqlənib.
20:10
"Qarabağ" Abdulla Zübeyrin 8-ci dəqiqədə vurduğu qolla hesabı açdı. Məhsuldar ötürmə müəllifi Leandru Andradi oldu.
19:02
Bakı Olimpiya Stadionunda UEFA Çempionlar Liqasının I təsnifat mərhələsinin cavab oyununda üz-üzə gələcək “Qarabağ” və Cəbəllüttariq klubu “Linkoln Red İmps”in start heyətləri açıqlanıb.
Prosport.Az xəbər verir ki, komandalar meydana aşağıdakı “11-lik”lərlə çıxacaq:
“Qarabağ” (Azərbaycan): 1. Şahruddin Məhəmmədəliyev, 13. Bəhlul Mustafazadə, 55. Bədavi Hüseynov (k), 29. Marko Veşoviç, 44. Elvin Cəfərquliyev, 6. Julio Romao, 8. Marko Yankoviç, 7. Yassin Benzia, 15. Leandro Andrade, 10. Abdullah Zubir, 19. Redon Cica
Ehtiyat oyunçular: 23. Luka Quqeşaşvili, 89. Amin Ramazanov, 2. Qara Qarayev, 4. Rahil Məmmədov, 5. Maksim Medvedev, 11. Adama Diakabi, 17. Hamidu Keyta, 20. Riçard Almeyda, 27. Toral Bayramov, 81. Kevin Medina, 83. Nihad Quliyev, 90. Nəriman Axundzadə
Baş məşqçi: Qurban Qurbanov
“Linkoln Red İmps” (Cəbəllüttariq): 23. Deyl Kolinq, 6. Bernardu Lopeş (k), 24. Con Sarcent, 21. Nano, 5. İbrahim Ayu, 88. Mandi, 20. Mustafa Yahaya, 10. Liam Uoker, 66. İtan Britto, 9. Kike Qomes, 7. Li Kasyaro
Ehtiyat oyunçular: 1. Nauset Santana, 13. İvan Villanueva, 4. Samson Acayi, 11. Xuampe, 17. Marko Rosa, 19. Xuan Penya, 29. Roy Çipolina, 31. Conatan Şortino, 33. Cumaney Börnet, 77. Kayl Klinton
Baş məşqçi: Xavi Munyos
09:00
Bu gün UEFA Çempionlar Liqasında I təsnifat mərhələsinə yekun vurulacaq.
Prosport.Az xəbər verir ki, Azərbaycanın bu turnirdəki təmsilçisi “Qarabağ” cavab oyununa çıxacaq.
Ağdam təmsilçisi Cəbəllüttariq çempionu “Linkoln Red İmps”lə münasibətlərinə aydınlıq gətirəcək. Qurban Qurbanovun kollektivi rəqibini Bakı Olimpiya Stadionunda qəbul edəcək.
Bu komandalar arasında Cəbəllütariqdə keçirilən ilk oyunda “Qarabağ” 2:1 hesablı qələbə qazanıb.
UEFA Çempionlar Liqası
I təsnifat mərhələsi, cavab oyunu
19 iyul
20:00 “Qarabağ” (Azərbaycan) – “Linkoln Red İmps” (Cəbəllüttariq)
Baş hakim: Eldorjan Hamiti (Albaniya)
Bakı Olimpiya Stadionu