Rusiyada təlim-məşq toplanışında olan “Neftçi” yeni mövsüm öncəsi son yoxlama oyuunun keçirib.

Prosport.Az-ın məlumatına görə, "flaqman" Moskvada Rusiyanın köklü klublarından hesab olunan “Spartak” komandası ilə qarşılaşıb.

“Otkrıtiye Bank Arena”da baş tutan matç meydan sahiblərinin 2:0 hesablı qələbəsi ilə yekunlaşıb. “Spartak”ın heyətində 34-cü dəqiqədə Pavel Meleşin, 37-ci dəqiqədə isə Kuinsi Promes fərqlənib.

Bununla da “Neftçi”nin yay təlim-məşq toplanışı başa çatıb. Sabah Bakıda olacaq komanda hazırlığın son mərhələsini paytaxtda davam etdirəcək.

Qeyd edək ki, buna qədər Sankt-Peterburqda “Match TV” turnirində iştirak edən “Neftçi” Rusiyanın “Zenit” (1:3), Serbiyanın “Srvena Zvezda” (0:4) və Türkiyənin “Fənərbağça” (0:1) klubları ilə qarşılaşıb. Komanda 4 oyunun hamısında uduzub, 1 qol vurub, qapısından 10 top buraxıb.