Cəbəllüttariqin "Linkoln Red İmps" klubu Çempionlar Liqası I təsnifat mərhələsinin cavab görüşü çərçivəsində sabah Bakıda "Qarabağ"ın qonağı olacaq.

Prosport.Az xəbər verir ki, Cəbəllüttariq təmsilçisinin ispaniyalı baş məşqçisi Xavi Munyos matçdan öncə təşkil olunan mətbuat konfransında jurnalistlərin suallarını cavablandırıb:

– Bizi çox çətin oyun gözləyir. Matça onsuz da məğlub başlayacağıq. Bütün bunlara baxmayaraq, komandamıza inamımız böyükdür. Ümid edirəm ki, fərqli bir şey etyməyə nail olacağıq.

– "Linkoln Red İmps"in Bakıya 16 saatlıq yol qət etməsi müzakirə edildi. Bu, oyununuza təsir edəcək?
– Düzdür, səfər uzun oldu. Amma sizin qeyd etdiyiniz qədər də uzun deyil. Klub çalışdı ki, bizim üçün rahat şərait yaratsın. Düşünmürəm ki, bu amil sabah oyunda bizə təsir etsin.

– Cavab oyununda "Qarabağ"ı nə ilə təəccübləndirəcəksiniz?
– İlk oyunda qurduğumuz plan özünü doğrultdu. Hətta qələbə də qazana bilərdik. Sadəcə, qalib gələ bilməməyimizi bəxtsizlik kimi qəbul edirəm. Sabah da xüsusi planlarımız var. Bakıya gəzməyə gəlməmişik. Planımı burada açıqlamayacağam. "Qarabağ"ı sabah da təəccübləndirmək üçün hər şeyi edəcəyik.