“Neftçi” növbəti transferini reallaşdırıb.

Prosport.Az xəbər verir ki, braziliyalı futbolçu Yuri Matiasla 2 illik müqavilə bağlanıb.

28 yaşlı mərkəz müdafiəçisi “ağ-qaralar”ın heyətində 44 nömrəli formanı geyinəcək.

Yuri Matias Braziliyanın “Amerika” (2014-2016), Portuqaliyanın “Akademika” (2016-2020), İranın “Traktor” (2020), Rumıniyanın “Qaz Metan” (2020-2022) və ÇFR (2022-2023) klublarında çıxış edib. O, 2021/2022 mövsümündə ÇFR-lə Rumıniya çempionu olub.

Qeyd edək ki, “Neftçi” bundan əvvəl Azərbaycan yığmasının üzvləri – qapıçı Emil Balayev və xorvat əsilli yarımmüdafiəçi Filip Ozobiçi transfer edib.