"Qəbələ"nin sabiq futbolçusu Aleksey Qay məşqçisi olduğu Ukraynanın "Çernomorets" klubu ilə yollarını ayırıb.

Prosport.Az xəbər verir ki, 41 yaşlı mütəxəssisin Donetsk "Şaxtyor"unda baş məşqçi Patrik van Leyvenin köməkçisi olacağı gözlənilir.

Qeyd edək ki, Aleksey Qay 2021-ci ildən baş məşqçi Roman Qriqorçukun köməkçisi və analitik kimi işləyib. Sabiq yarımmüdafiəçi 2015/2016 mövsümündə "Qəbələ"nin formasını geyinib. Qriqorçuk isə 2014-2018-ci illərdə əyalət təmsilçisinin sükanı arxasında olub.