Futbol üzrə İsveç çempionatında XV turun oyunları keçirilir.

Prosport.Az xəbər verir ki, Musa Qurbanlının şərəfini qoruduğu “Yurqorden” doğma meydanda “Malmö” ilə qarşılaşıb.

Qarşılaşma ev sahiblərinin 2:0 hesablı qələbəsi ilə başa çatıb. Qolları Oskar Falenius (10) və bosniyalı Xaris Radetinats (81) vurub. Hər 2 qolun ötürməsini norveçli Uliver Berq verib.

Musa Qurbanlı işçi vizasını ala bilmədiyi üçün adı bu görüşün iştirak ərizəsinə daxil edilməyib. Xallarını 30-a yüksəldən “Yurqorden” 16 komanda arasında 4-cü pillədə qərarlaşıb və 3-cü sıradakı "Malmö"dən onları 4 xal ayırır.