Yeni mövsümə Rusiyada hazırlaşan “Neftçi” “Match TV” beynəlxalq turnirində sonuncu görüşünə çıxıb.

Prosport.Az-ın məlumatına görə, Adrian Mutunun baş məşqçi olduğu kollektivin rəqibi qardaş ölkə təmsilçisi "Fənərbağça" olub.

"Smena" stadionunda baş tutan qarşılaşmanın ilk hissəsində "Neftçi" daha fəal nəzərə çarpsa da, qapılara qol vurulmayıb. 2-ci hissədə təşəbbüsü ələ alan İsmayıl Kartalın tələbələri 73-dəqiqə hesabı açmağa müvəffəq olub. Bosniyalı yeni transfer Edin Ceko dəqiq baş zərbəsi ilə adını tabloya yazdırıb. Matçın qalan dəqiqələrində hesab dəyişməyib.

Qeyd edək ki, "ağ-qaralar" ilk matçda Rusiya "Zenit"inə 1:3, daha sonra Serbiyanın "Srvena Zvezda" komandasına 0:4 hesabı ilə uduzub.