"Kəpəz" çempionata hazırlığın növbəti mərhələsini Bakıda keçirəcək.

Prosport.Az xəbər verir ki, bununla bağlı klubun mətbuat xidməti məlumat yayıb.

"Sarı-göylər" iyulun 28-nə kimi paytaxtda qalacaqlar. Təlim-məşq toplanışı "Dalğa Arena"da olacaq. 

Məşq proqramına əsasən bu gün komandanın iki məşqi nəzərdə tutulub. Dünən "Zirə" ilə yoxlama oyununda iştirak edən futbolçular bərpaedici məşqlə kifayətlənəcəklər. Yüngül zədəsi olan Abdullahi Şuaybu, Tural Rzayev və komandaya gec qoşulan Mate Kvirkviya isə fərdi halda çalışacaqlar.