"Avropadakı ilk oyunumuz idi. Ona görə önəmli idi. Yaxşı görüntü olmasını istəyirdik. Yaxşı oynamaq istəyirdik. Bunu da matçın böyük hissəsində bacardıq. Son periodda bəzi basketbolçuları oynatmaq istədik. Onlar da bu şansdan yaxşı istifadə etmədi. 30 xal fərqlə qalib gələ bilərdik, amma bu səbəbdən 16 xalla bitirdik. Qazandığımız üçün 30-35 dəqiqəlik oyundan məmnunam. Amma son bölümdən şad deyiləm. Bu haqda danışacağıq".
Prosport.Az xəbər verir ki, bu sözləri "Abşeron Lions" komandasının baş məşqçisi Ərhan Tokər Avropa Kubokunun təsnifat mərhələsində Kiprin "Anortosis" klubuna 89:73 hesabı ilə qalib gəldikləri oyundan sonra keçirilən mətbuat konfransında deyib.
Türkiyəli mütəxəssis jurnalistlərin suallarını da cavablandırıb.
– Qələbənin bu qədər rahat olacağını gözləyirdiniz?
– Yox. Çünki tam olaraq rəqibin matçlarına baxa bilmədik. Yaxşı müdafiə olunduq. Hücumda da yaxşı oynadıqca, daha fərqli qazandıq. Daha da fərqli ola bilərdik. Belə hesabla qalib gələcəyimizi gözləmirdik.
– TOFAŞ-la avrokuboklarda oynamısınız. Kipr klubuna qarşı oynadınız. Siyasi mənada da sizin üçün ikiqat sevinc oldu?
– İlk dəfə bu gün Cənubi Kipr komandasna qarşı oynadıq. İdmanda siyasətə yer yoxdur.
– Səfər görüşü haqda nə düşünürsünüz? Ola bilər ki, "Anortosis" bu qədər yaxşı oynayacağınızı gözləmirdi?
– Səfər matçında da qələbə qazanmaq istəyirik.
– Bu hesab səfərdə də sizə bəs edəcək?
– Ümidvaram. Basketbolda 5 dəqiqədə hər şey dəyişə bilir. Orada ilk dəqiqədən sonra Bakıdakı matçdakı kimi oynaya bilsək, problem olmaz.
– Avrokuboklarda maksimum hədəf nədir?
– Təsnifat mərhələləri davam edir. Bütün rəqibləri tanıdıqdan sonra nəsə deyə bilərik. Amma öncə bu mərhələni keçməliyik.
– Sizcə bu qələbə, mərhələni keçmək Azərbaycan basketboluna nə qədər xeyir verəcək?
– Azərbaycanda 2-ci ilimdir. Gəlməmişdən də çempionatı izləmişdim. Keçən il də yaxşı liqa olduğunu gördüm. "Kutaisi" ilə Danimarkanın "Baken Beərs" komandasının oyununa baxmışam. Çünki "Baken Beərs" rəqibimiz ola bilərdi. "Kutaisi"də də keçən il NTD-də oynamış 2 oyunçu çıxış edir. NTD "Kutaisi"dən daha yaxşı komandadır. Amma burada elə düşünmürük. Bu mövsüm komandalar daha yaxşı heyət qurub. Məncə, hər mövsüm ABL-də oyunların keyfiyyəti artır, liqa inkişaf edir.
– Sonda çempionatda ilk turda "Şəki" ilə qarşılaşacaqsınız. Avrokubokdan sonra bu matça köklənmək çətin olmayacaq?
– "Anortosis"in oyununuz izləmişdik. Amma "Şəki"nin yeni heyətini görməmişik. Ona görə də rəqib haqda məlumatsızıq. "Şəki" yaxşı komandadır. Amma əsas diqqətimiz "Anortosis"lə matçda olacaq.