UEFA Konfrans Liqasının I təsnifat mərhələsində "Sabah" və "Neftçi"nin potensial rəqibləri ilk oyunlarını keçiriblər.

Prosport.Az xəbər verir ki, "Sabah"ın potensial rəqiblərindən olan Şimali Makedoniyanın "Makedoniya Corçe Petrov" klubu Latviyanın Riqa Futbol Məktəbi (RFS) komandasını qəbul edib.

Qarşılaşma qonaqların 1:0 hesablı qələbəsi ilə bitib. 34-cü dəqiqədə serbiyalı hücumçu Andrey İliç fərqlənib.

"Neftçi"nin potensial rəqiblərindən olan Bosniya və Herseqovinanın "Jelezniçar" klubu Belarusun "Dinamo" komandasını qəbul edib.

Qarşılaşma 2:2 hesabı ilə başa çatıb. İvan Baxar (41) və Vladislav Morozov (50) Minsk komandasını 2:0 öndə keçirsə də, meydan sahibi olan balkanlılar hesabı bərabərləşdirməyi bacarıb. Cenan Xaraçiç 85 və 90+1-ci dəqiqələrdə dubl edib.

Tərəflər arasındakı cavab görüşü bir həftə sonra olacaq. İlk oyunun cavab qarşılaşması Latviyanın paytaxtı Riqada, 2-ci matçın təkrar görüşü isə Bakıda baş tutacaq.