“Everton”un yarımmüdafiəçisi Dele Alli acı uşaqlıq xatirələrindən danışıb.

Prosport.Az xəbər verir ki, ingiltərəli futbolçu “The Overlap”a açıqlamasında deyib ki, uşaqlıqda cinsi təcavüzə məruz qalıb:

“Düzünü desəm, uşaqlığım çox danışmadığım bir şeydir. Demək istədiyim odur ki, həqiqəti müəyyən qədər üzə çıxaracaq bir neçə hadisə olub. Altı yaşım olanda anamın dostu tərəfindən cinsi təcavüzə məruz qaldım.  O, tez-tez evimizə qonaq gəlirdi. Anam içki aludəçisi idi. Məni nizam-intizam öyrənmək üçün Afrikaya göndərdilər. Yeddi yaşımda siqaret çəkməyə, səkkiz yaşımda isə narkotik satmaqla məşğul olmağa başladım.

12 yaşım olanda məni gözəl bir ailə övladlığa götürdü. Daha yaxşısını istəyə bilməzdim. Mənim üçün o qədər işlər görüblər ki... Onlar mənə çox kömək etdilər”"

Qeyd edək ki, İngiltərə millisinin sabiq üzvü "Tottenhem"də baxımlı oyunu ilə seçilsə də, son 1 ildə karyerasında eniş yaşanır.