Bu gün Futbolun İnkişaf Fondunun vasitəçiliyi ilə “Şahdağ Qusar” futbol klubu və İSFA arasında tərəfdaşlıq müqaviləsinin imzalanma mərasimi keçirilib.

Prosport.Az xəbər verir ki, mərasimdə tərəfdaşlıq müqaviləsini Qusar təmsilçisinin prezidenti Rahid Əmirquliyev və İSFA şirkətinin direktoru Samir Xeyirbəyov imzalayıblar. Müqaviləyə əsasən, klubun oyun, məşq və nümayiş dəstlərinin arxa hissəsində tərəfdaşın loqosu yerləşdiriləcək.

Qeyd edək ki, İSFA MMC 2015-ci ildən kənd təsərrüfatı sahəsində fəaliyyət göstərir. Şirkət innovativ damlama-suvarma və yağmurlama sistemlərinin satışı və quraşdırılması, meyvə tinglərinin istehsalı və satışı, intensiv bağların salınması və aqro-texniki xidmətlərlə məşğuldur.