Çempionlar Liqasının əsas mərhələsinin ilk turunda bu gün Portuqaliyada "Sportinq"ə qarşı keçiriləcək oyun haqda danışan Qazaxıstanın "Kayrat" klubunun baş məşqçisi Rafael Urazbaxtin "Qarabağ"ın "Benfika" üzərində 3:2 hesablı qələbəsini qeyd edib. 

Prosport.Az xəbər verir ki, mütəxəssis bugünkü qarşılaşmada bütün güclərini meydanda qoyacaqlarını söyləyib:

"Çempionlar Liqasında hamı bizə xal qazanmaq gözü ilə baxır. Bu da bizi narahat edir. Özümüzü sübut etmək istəyirik. Möhtəşəm performans göstərməyə çalışacağıq. Çempionlar Liqasına vəsiqə qazanmaq bizim üçün onsuz da böyük məsələdir. Heç bir təzyiq altında deyilik. Keyfiyyətimizi göstərmək istəyirik. “Qarabağ” “Benfika” ilə oyunda hər şeyin mümkün olduğunu sübut etdi. Soyadlar futbol oynamır, oyunçular oynayır. Necə alınacağını görəcəyik. “Sportinq”lə görüşdə bütün gücümüzü meydanda qoyacağıq".