Azərbaycan Üzgüçülük Federasiyası (ASF) bir müddət öncə Nutrisiologiya və Diyetologiya Assosiasiyasının həmtəsisçisi və idarə heyətinin sədri, Qida Təhlükəsizliyi İnstitutu Elmi Araşdırmalar Mərkəzinin müdir müavini, həmin qurumun Elmi Şurasının üzvü və “Qarabağ” futbol klubunun həkim-dietoloqu kimi çalışan İlqar Şamilovla müqavilə bağlayıb.

Prosport.Az xəbər verir ki, o, oktyabrın 1-dən etibarən Azərbaycan Üzgüçülük Federasiyası ilə əməkdaşlıq çərçivəsində milli komandalarımızın idmançılarının daha düzgün qidalanmaları və daha yaxşı nəticələr qazanmaları üçün çalışacaq.

Qeyd edək ki, İlqar Şamilov 2020-ci ildən "Qarabağ"da işləyir.