"Bu qələbəyə çox sevindik. Xoşbəxtlikdən qol vurmağı bacardım. Bunun asan olmayacağını bilirdik, amma çox çalışdıq və üç xal qazandıq".

Prosport.Az xəbər verir ki, bu sözləri "Qarabağ"ın hücumçusu Kamilo Duran Çempionlar Liqasının əsas mərhələsinin ilk turunda Portuqaliyada "Benfika" üzərində qazanılan qələbədən (3:2) sonra deyib.

Kolumbiyalı forvard UEFA-nın rəsmi saytına açıqlamasında qalibiyyəti şərh edib: "Startda bir az diqqətimizi yayındırdıq, 0:2 hesabı ilə geri düşdük, amma təslim olmadıq. Daim irəli getməyə çalışdıq və istəyimizə - qələbəyə nail olduq".

Çempionlar Liqasının növbəti turunda “Qarabağ” evdə Danimarkanın “Kopenhagen”, “Benfika” isə İngiltərənin “Çelsi” klubu ilə qarşılaşacaq.