"Qarabağ" UEFA Çempionlar Liqasının əsas mərhələsində ilk oyununa bu gün çıxacaq. 

Prosport.Az xəbər verir ki, Qurban Qurbanovun baş məşqçisi olduğu kollektiv Portuqaliyada "Benfika"nın qonağı olacaq.

Qarşılaşma "Eştadiu da Luş" stadionunda, Bakı vaxtı ilə saat 23:00-da start götürəcək. Görüşün baş hakimi belçikalı FIFA referisi Erik Lambrexts olacaq.

UEFA Çempionlar Liqası

Liqa mərhələsi

I tur

16 sentyabr

23:00. "Benfika" (Portuqaliya) - "Qarabağ" (Azərbaycan)

Baş hakim: Erik Lambrexts.

Lissabon, "Eştadiu da Luş" stadionu

Qeyd edək ki, 2-ci dəfə Çempionlar Liqasının əsas mərhələsinə vəsiqə qazanan Azərbaycan çempionu II turda, oktyabrın 1-də Bakıda Danimarkanın "Kopenhagen" kollektivini qəbul edəcək.