“Neftçi” İdrissa Dumbiya ilə danışıqları yekunlaşdırıb.

Prosport.Az futbolinfo.az-a istinadən xəbər verir ki, Fil Dişi Sahili millisinin futbolçusu Bakı klubunun təklifini qəbul edib.

Tərəflər artıq bütün şərtlərdə ortaq məxrəcə gəliblər. Dumbiya “Neftçi”yə sərbəst futbolçu kimi keçəcək. Çünki o, iyulda Qətərin “Əl-Əhli” klubundan ayrılıb. “Neftçi” tezliklə bu transferi ictimaiyyətə açıqlayacaq.

Qeyd edək ki, İdrissa Dumbiya “Anderlext”, “Sportinq”, “Ueska”, “Alanyaspor” kimi tanınmış klublarda çıxış edib. O, 2023-cü ildən bəri Fil Dişi Sahili millisinin heyətində 4 matçda meydana çıxıb.