"Millidə 15-ci qolumu vurmaq və rekordçu olmaq mənim üçün sadəcə statistika deyil, bu, formanı geyinməyin verdiyi məsuliyyətin və qürurun ifadəsidir".

Prosport.Az xəbər verir ki, bunu Azərbaycan milli komandasının kapitanı Emin Mahmudov sosial şəbəkə hesabında paylaşıb.

Futbolçu əldə etdiyi uğura görə ona köməyi dəyən hər kəsə minnətdarlığını ifadə edib: "Mənə inanan məşqçilərimə, meydanda yanımda olan komanda yoldaşlarıma və hər zaman bizi ürəkdən dəstəkləyən azarkeşlərimizə minnətdaram. Sizin üçün oynamaq həmişə şərəfdir".

Qeyd edək ki, Emin Mahmudov DÇ-2026-nın seçmə mərhələsi çərçivəsində keçirilən Azərbaycan - Ukaryna matçında qol vurmaqla, yığmamızın bombardiri olub.