I Liqada yeni ad və loqo ilə mübarizə aparmaq istəyən "Mingəçevir" klubunun bütün transferlərinin adına aydınlıq gəlib.
Prosport.Az-ın xəbərinə görə, çalışdırıcısı Ramiz Məmmədov, köməkçiləri Mehman Baxışov, Məqsəd Yaqubəliyev və Elnar Kərimov (qapıçılar üzrə məşqçi) olan "Mingəçevir"in məşqçilər korpusu ötən mövsüm komandada olan futbolçulardan yalnız nigeriyalı Abba Usman, Xəyal Muradov, Elmin Bayramov, Elnur Mirzəyev, Fuad Əhmədov və Nihat Xəlilini saxlayıb.
Klub bu gün start götürəcək I Liqaya 17 yeni futbolçu ilə qatılacaq. Bunlardan 5-i legioner, 12-si yerli futbolçudur. Həmin futbolçuların adları, milliyyəti, son klubları və ampluaca hansı mövqedə oynadıqlarını təqdim edirik:
Cona Atukvey – Qanadandır, ölkəsinin "Berekum Çelsi" komandasından gəlib, sol cinah hücumçusudur
Kenet Kalunqa – Zambiyandandır, son klubu Portuqaliyanın "Luzitanu" komandası olub, sağ cinah hücumçusudur, icarəyə götürülüb
Bakari Cayte – Qambiyadandır, son klubu Yunanıstanın "Panaryakos" komandası olub, mərkəz yarımmüdafiəçisidir
Məhəmməd Kadiri – Qanadandır, son klubu Hindistanın "Məhəmmədan" komandası olub, dayaq yarımmüdafiəçisidir
Rimas Kərimi – Rusiyadandır, ölkəsinin "Meqasfera" komandasıdndan gəlib, yarımmüdafiəçidir, icarəyə götürülüb
Samir Abdullayev – "Səbail"dən gəlib, hücumçudur
Qurban Səfərov – "Qarabağ"ın əvəzedici komandasından gəlib, hücumameyilli yarımmüdafiəçidir
Rəhim Cəfərli – "İmişli"dən gəlib, sol cinah müdafiəçisidir
Cabir Əmirli – "Səbail"dən gəlib, sağ cinah müdafiəçisidir
Kənan Quliyev – "Karvan"dan gəlib, mərkəz müdafiəçisidir
Vüsal Əsgərov – MOİK-dən gəlib, hücumameyilli yarımmüdafiəçidir
Taleh Qarayev – "Cəbrayıl"dan gəlib, sol cinah hücumçusudur
Seymur Məmmədov – "Sabah"dan gəlib, mərkəz yarımmüdafiəçisidir, icarəyə götürülüb
Orxan Sadıqlı – "Şəmkir"dən gəlib, qapıçıdır
Məhəmməd Səfərov – "Zirə"nin əvəzedici komandasından gəlib, hücumçudur
Sahib Həsənov – "Difai"dən gəlib, qapıçıdır
Nicat Məmmədov – "Kəpəz"in əvəzedici komandasından gəlib, hücumameyilli yarımmüdafiəçidir, icarəyə götürülüb
Qeyd edək ki, klub adını və loqosunu dəyişsə də, I tura köhnə ad və loqo ilə çıxacaq. Klubun İdarə Heyətinin sədri Rafael Bunyatovun saytımıza verdiyi müsahibəsindən də bilindiyi kimi, klubun adı "ASTA Mingəçevir" olub, loqosunda qrifonlar əks olunub. Başında tac olan hər iki qrifon əlində kubok tutub. "Mingəçevir" klubunun yaranma tarixi olan 2022-ci il isə Mingəçevir futbolunun yaranma ili olan 1966-cı illə əvəzlənib.
Xatırladaq ki, Mingəçevir təmsilçisi ilk turda sabah Bayıl qəsəbəsində Premyer Liqadan düşmüş "Səbail"in qonağı olacaq. Matç saat 19:00-da başlayacaq.