"Araz-Naxçıvan"ın qapıçısı Kristian Avramın formasını geyindiyi Moldova millisi DÇ-2026-nın seçmə mərhələsində Norveçə 1:11 hesabı ilə məğlub olub.

Prosport.Az xəbər verir ki, 31 yaşlı qolkiper matçdan sonra açıqlama verib. Təcrübəli oyunçu pentatrik edən Erlinq Holannın ondan üzr istədiyini bildirib:

"Buraxılan qolların mənim səhvim olmadığını dedi. Hər qoldan sonra məndən üzr istəyirdi. Top fərqinə görə qollara davam etmək məcburiyyətində olduqlarını dedi".

Qeyd edək ki, Kristian Avram 2023-cü ilin yayından "Araz-Naxçıvan"da çıxış edir.