UEFA 2023-24 mövsümündə Çempionlar Liqası (ÇL), Avropa Liqası (AL) və Konfrans Liqasının (KL) mükafat fondunu açıqlayıb.

Prosport.Az-ın qurumun rəsmi saytına istinadən məlumatına görə, ötən mövsümdəki məbləğlə müqayisədə heç bir dəyişiklik edilməyib.

Açıqlanan mükafat əsasən qrup mərhələsindən etibarən nəzərdə tutulub. Çempionlar Liqasının qrupuna düşən hər bir komanda 15,64 milyon avroluq qazanc götürəcəklər. Bu məbləğ Avropa Liqasında 3,63 milyon, Konfrans Liqasında isə 2,94 milyon avro olacaq.

Yəni ÇL-də mübarizə aparan “Qarabağ” qrupa düşə bilsə, büdcəsini 15,64 milyon avro ilə zənginləşdirəcək. KL-də ölkəmizi təmsil edəcək “Sabah”, “Neftçi” və “Qəbələ” isə qrupa adlaya bilsə, UEFA-dan 2,94 milyon avro alacaq.

Həmçinin hər qalibiyyət və heç-heçə, eləcə də mərhələ adlamaq komandaların gəlirlərini artıracaq.

Çempionlar Liqası

Qrupda iştirak – 15,64 milyon avro

Qələbə - 2,8 milyon

Heç-heçə - 930 min

1/8 final – 9,6 milyon

1/4 final – 10,6 milyon

Yarımfinal – 12,5 milyon

Final – 15,5 milyon

Çempionluq – 20 milyon

Avropa Liqası

Qrupda iştirak – 3,63 milyon

Qələbə - 630 min

Heç-heçə - 210 min

1/8 final – 1,2 milyon

1/4 final – 1,8 milyon

Yarımfinal – 2,8 milyon

Final – 4,6 milyon

Çempionluq – 8,6 milyon

Konfrans Liqası

Qrupda iştirak – 2,94 milyon

Qələbə - 500 min

Heç-heçə - 166 min

1/8 final – 600 min

1/4 final – 1 milyon

Yarımfinal – 2 milyon

Final – 3 milyon

Çempionluq – 5 milyon