Bu gün UEFA Çempionlar Liqasında I təsnifat mərhələsinə start verilib.

Prosport.Az xəbər verir ki, ölkəmizi bu turnirdə təmsil edən “Qarabağ” da mübarizəyə bu mərhələdən başlayıb. "Linkoln Red İmps"lə səfər oyununda hesabda geri düşməsinə rəğmən 2-ci hissədə Redon Cica və Yasin Benzyanın vurduğu qollar sayəsində "köhlən atlar" meydandan 2:1 hesabı ilə qalib ayrılıb.

Qeyd edək ki, komandalar arasında cavab oyunu iyulun 19-da Bakı Olimpiya Stadionunda keçiriləcək. Bu cütün qalibi II təsnifat mərhələsində "Rakuf" (Polşa) – "Flora" (Estoniya) cütünün güclüsü ilə qarşılaşacaq.