Rumıniya FKSB klubunun İdarə Heyətinin sədri Mihay Stoyka Çempionlar Liqasının II təsnifat mərhələsində Şimali Makedoniyanın "Şkendiya" klubu ilə ilk oyunda (0:1) zədələnən kapitan Darios Olaru ilə bağlı fikirlərini bildirib.

Prosport.Az xəbər verir ki, klub rəsmisi yarımmüdafiəçinin təxminən 2 həftə yaşıl meydanlardan kənarda qalacağını bildirib:

"Yəqin ki, Olaru avqustun 10-na kimi 100% hazır olacaq və ümid edirəm ki, “Drita” ilə yox, “Qarabağ”la cavab oyununa çıxacaq".

"Qarabağ" II raundun ilk görüşündə İrlandiyada "Şelburn"a 3:0 hesabı ilə qalib gəlibsə, FKSB "Şkendiya"ya uduzub - 0:1. Hər iki komanda mərhələni adlayarsa, Çempionlar Liqasının III təsnifat mərhələsində bir-birinə rəqib olacaq.