Macar əsilli rumıniyalı 3x3 basketbolu üzrə referi Andrada Monika Çender 8 aylıq körpəsi ilə gündəmə gəlib.

Prosport.Az-ın xəbərinə görə, o, oyunlara danimarkalı əri Rude Larsen və 8 aylıq oğlu Liam Esqa (Asger) ilə gedir.

Danimarkada yaşayan cütlük bu yaxınlarda Almaniyadakı Universiadada birgə olub. Andrada Boxum şəhərində keçirilən Universiadanın 3x3 kişi basketbolu yarışının 3-cü yer matçını (Çexiya – Almaniya) bir əlində fit, bir əlində uşaqla “idarə edib”.

Çender Sumqayıta da əri və uşağı ilə gəlib. İyulun 27-də 3x3 basketbolun Qadın Seriyasının Sumqayıt mərhələsinin final (Azərbaycan – Latviya) hakimlərindən olan Çender oyundan sonra uşağını qucağına alaraq ona analıq qayğısı göstərib.

Qeyd edək ki, Andrada Çender FIBA-ya 3×3 basketbolunda uşaqları özləri ilə aparmağa imkan verdiyi üçün xoşbəxt olduğunu bildirib. Ana hakimlik edərkən uşağı ata saxlayır.