UEFA Konfrans Liqasının II təsnifat mərhələsində "Zirə"nin rəqibi olan "Xayduk" heyətini yeni oyunçu ilə gücləndirəcək.

Prosport.Az xəbər verir ki, Split təmsilçisi Ante Rebiçin keçidini həll etmək üzrədir. Bu barədə "Telesport" məlumat yayıb.

Artıq xorvatiyalı vingerlə razılıq əldə olunub. 31 yaşlı futbolçu ilə yaxın günlərdə müqavilə imzalanacaq.

Rebiç karyerası ərzində "Fiorentina", "Leypsiq", "Verona", "Ayntraxt", "Milan", "Beşiktaş" və "Leççe"də çıxış edib.

Qeyd edək ki, "Zirə" Bakıda keçirilən ilk oyunda "Xayduk"la 1:1 hesablı heç-heçə edib. Komandalar arasında cavab görüşü iyulun 31-də Xorvatiyada baş tutacaq.