Moldovada "Petrokub" və "Sabah" komandaları arasında keçirilən UEFA Konfrans Liqasının II təsnifat mərhələsinin ilk oyunu başa çatıb.

Prosport.Az xəbər verir ki, Kişineudakı "Zimbru" stadionunda təşkil olunan qarşılaşma Azərbaycan təmsilçisinin qələbəsi ilə yekunlaşıb - 2:0.

Hesabı 82-ci dəqiqədə kapitan Pavol Şafranko açıb. 90+1-ci dəqiqədə isə Kahim Perris yekun nəticəni müəyyənləşdirib.

Cavab görüşü iyulun 31-də "Bank Respublika Arena"da keçiriləcək. Matç saat 20:00-da başlanacaq.